Crónica
TRAVESÍA COSTA NAVIEGA 2026
Un ano máis participamos na travesía costa naviega, organizada polos nosos amigos de Peñafurada. Este ano imos un grupo reducido, xa que esta fin de semana hai moitas festas na zona.
Aparcamos na zona do porto de
Navia, dirixímonos á estación de
autobuses, onde empregaremos o
bus da organización para chegar
ao lugar de partida. Baixamos do
autobús na estrada nacional, e
imos camiñando ata o punto de
saída. Dannos un rico chocolate
con biscoito, anímanos un grupo
folclórico, e tras unhas breves
palabras das autoridades dan o
pistoletazo de saída. Toca
camiñar para percorrer este
bonito sendeiro costeiro. Nós,
desviámonos e comezamos o
carreiro no barrio de Vigo.
Chegamos á Puntona, desde onde
temos unhas vistas marvillosas.
Imos pasando ao lado de fermosas
calas, cunhas augas transparente
e dun azul turquesa que parece
que estamos no Caribe. Na
enseada de Asteiro espéranos un
avituallamiento. A serpe
multicolor serpea o relevo e
deixa unha estampa moi fermosa.
Chegamos á punta do Castillo e
observamos unha vista preciosa
de Porto de Vega, atravesámolo e
tomámonos unhas cañas para
hidratarnos. Seguimos o camiño
desfrutando do tempo asollado
que temos e da paisaxe, camiño
da praia de Frixulfe, onde nos
darán a bolsa da comida,
aproveitamos para comer,
desfrutando da vista da praia e
de paso descansar un pouco antes
de continuar o noso roteiro.
Agora despois de comer tócanos a
parte máis dura, as subidas máis
empinadas, pero coa paisaxe que
vemos lévanse mellor. Chegamos á
praia de Coedo, e agasállannos
cunha rica e refrescante
sangría, que nos anima e empuxa
para chegar ao final. Desde
punta a Barra, vemos xa a bocana
da ría de Navia, pasamos pola
praia do Mouro e chegamos á
praia de Navia, seguimos o
carreiro entre as arbores, ata
chegar ao porto de Navia, onde
termina a aventura de hoxe.
Nos xardíns a organización
tennos unha animación musical
para despedir o día, cuns
bailes.
Un saúdo a todos, e ata a
próxima.
Morís.