Crónica

BELÉN DE CUMES 2017, A FROUXEIRA.

Un ano mais, imos colocar o Belén nun cumio do noso concello, nesta ocasión iremos a Frouxeira, para as vindeiras edicións teremos que repetir o saír do concello.

O día amence cuberto, saímos en coche ata Santa Cilla, para dende alí comezar a nosa marcha. Temos unha temperatura perfecta para camiñar, e arrincamos a subida ó cumio, cando nos atopamos na metade da subida, caen unhas pingas de auga, logo pasan, son para que non nos suba a temperatura nestas primeiras ramplas, e así con paso tranquilo chegamos as ruínas do castelo.

Colocamos o Belén, nunha fenda das rochas para que estea algo protexido das inclemencias, e facemos a visita o castelo, subimos a súa parte mais alta, achegámonos a Bañeira do Mariscal, admiramos as fermosas vistas do val, da costa e sacamos algunha foto. Na parte baixa facemos as fotos de grupo, que deixen constancia do evento, tamén facemos un brinde polo Nadal e outro para despedirnos xuntos das camiñatas deste ano que remata.

Descendemos ata onde se atopan os coches e así poñer punto final a ruta de hoxe.

Un saúdo.

Bo Nadal e que o 2018 sexa un ano de pasos moi felices.

Morís.