Crónica

Ruta, andareiro de verán, Frouxeira -Oirán

Este primeiro sábado de agosto, encamiñámonos ao pico da Frouxeira, para facer o noso Andareiro de Verán. Ata a cima fomos en bus e recolleranos ao acabar en Oirán.

Facémonos a foto de grupo ao baixar do autobús coa Frouxeira e os restos do castelo de Pardo de Cela como fondo. Dividímonos en dous grupos, un cos que non se atopen ben de forma ou non teñan o calzado apropiado, xa que hai tramos empinados de descenso con arenilla, estes baixarán en bus ata San Acisclo, para desde alí dirixirse ata Oirán. O resto iniciamos descenso usando como referencia o roteiro marcado ata o Castelo de Alfoz, é por carreiro rodeado de vexetación moi frondosa, que nalgún punto non nos deixa gozar da paisaxe, a metade do descenso deixamos o roteiro e desviámonos á esquerda, esta pista achegáranos á base da Frouxeira, que estampa tan fermosa déixanos deste pico, parece outro, unha mole impresionante de granito, tamén nos ensina unha bela estampa do Valadouro, a pesar da vexetación tan frondosa que hai, podemos ver algunha das figuras que a natureza de forma caprichosa esculpió na roca. E así paso a paso acabamos o descenso chegando a unha pista, chaira, que virando cara á esquerda levaranos a Oirán, é pola pista que o outro grupo vén, pero que non os atopamos xa que pasaron moito antes que nós por ese punto.

Seguimos camiñando ata chegar ao cruzamento da estrada da Hermida a Oirán, onde no Cruceiro que o marca detémonos para esperar a chegada do bus, que nos traerá de regreso a Foz, para por fin ó Andareiro de hoxe.

Grazas a todos e ata vindeiro.

Un saúdo.

Morís.