>  

Crónica

Andaina de verán: Rota das Praias

Comezamos as Andainas do verán, co roteiro das praias, co obxectivo de percorrer o último tramo inaugurado a finais do ano pasado.

Concentrámonos diante do concello, o día está asollado e con moi boa temperatura para camiñar. Dirixímonos cara ao cemiterio por un carreiro, pasamos á beira do cartel de Hollyfoz e continuamos cara ao Castro de Marzan, camiñamos pola Veiga dá Sara, para coller dirección Burela, bordeando a variante. Pasamos á beira das obras da depuradora local, seguimos pola parte traseira do polígono industrial. Nas primeiras casas de Fazouro que atopamos desviámonos á dereita e pasamos xunto á capela de San Salvador. Continuamos ata a praia da Pampillosa, onde facemos unha parada para beber auga e comer algo, antes de continuar a marcha. Collemos o novo tramo de paseo en dirección Foz. Chegamos á primeira praia Peizas, seguimos serpenteando a costa e gozando das vistas, chegando agora á praia de Llas. Este tramo de paseo polo que imos está cheo de xente camiñando, que goza desta fermosa mañá de sábado. Chegamos á praia da Rapadoira, fin do noso roteiro de hoxe.

Grazas a todos por este magnífico día.

Morís.