Crónica

Encontro Lucus a Pe

Un ano mais dirixímonos cara a Lugo, para participar no encontro que aí se celebra. Saímos cedo pola maña, cun ceo cuberto pola néboa, recollemos a nosa compañeira de Mondoñedo, subimos pola estrada nacional, xa que a autoestrada estaba pechada, como non, por mor dá néboa.

Fumos recibidos diante dá sede dá deputación, e despois do discurso iniciamos a ruta, os pes dá muralla, fomos recibidos por un sacerdote e dúas sacerdotisas romanas, que nos deron a súa bendición para que o camiño fora favorable.

Nesta primeira parte, a ruta discorreu pola muralla e ás rúas do centro onde podemos ollar o pasado romano dá cidade.

A continuación collemos o sendeiro que ascende pola beira do Miño, atravesando magnificas paraxes e bosques de ribeira, que nos ofrece nesta parte o río, chegamos ata a captación de augas dá cidade, onde cruzamos o río por unha ponte, para descender pola beira contraria, ata o Rego de Mera, neste punto, os que se atopan baixos de forma continúan o descenso do Miño ata o Club Fluvial, lugar onde remata o encontro.

Os outros emprendemos un percorrido polo paseo que bordea este pequeno río, enchido de restos romanos e restos de muíños que amosan o poderío deste río no pasado. Subimos uns tres quilómetros o curso, que fannos gozar, dos seus bosques de ribeira, dás pequenas fervenzas e rápidos, que podemos ollar o longo do percorrido. A senda esta impresionante, moi natural, senda de terra, rochas e nalgún tramo pasarelas de madeira, todo a sombras dás arbores e co rumor dás augas que esculpen ás rochas do leito do rio. Moi relaxante e máxico.

Rematada a camiñata polo Rego de Mera, dirixímonos pola beira do Miño cara o Club Fluvial que é a meta do día. Alí dannos de xantar, para repoñer folgos despois do paseo.

Un fermoso día no que o tempo nos acompañou e fixo que ca grata compaña, pasásemos un domingo especial.

Un saúdo.
Morís.