Crónica

RUTA VAL DE LOURENZA

Chego o último roteiro deste ano e dirixímonos a terras laurentinas, para facer parte do roteiro Val de Lourenza, esta estaba prevista para a ponte da constitución, pero por motivos climatolóxicos houbo que aprazala ata hoxe.

Partimos da praza diante da igrexa de Lourenza, e dirixímonos cara á zona dos colexios, nesta primeira parte toca subir, un kilometro de subida, fácil de levar, así chegamos ao alto do Monte do Muro, xa temos algunha vista parcial deste fermoso e fértil val. Camiñaremos por pistas forestais, rodeados de eucaliptos, en dirección á parroquia de San Xurxo, pasamos polo Souto Vello, para dirixirnos a Santo Tome, camiñaremos polo paseo fluvial do Rego de Baus, cara ao Pereiro onde no muíño restaurado faremos a parada para repoñer forzas tomando algo. Atravesaremos Santo Tome, para dirixirnos cara ao Pazo de Tovar, desde aquí retornamos ao punto de partida pola outra cara do val, imos pasando por numerosos barrios deste val ata chegar de novo a Lourenza, entramos pola zona do mercado e dirixímonos cara á igrexa, e como non parada na pastelería de Cabaleiro para comprar doces, esta merecido despois da marcha.

Na praza da igrexa, coa bonita e orixinal decoración do Nadal poñemos fin á última saída deste ano tan atípico, despedímonos e desexámonos un prospero ano novo.

Grazas a todos por este maravilloso día e ata a próxima.

Un saúdo.

Morís.