>  

Crónica

De O Barqueiro a Estaca de Bares

Nesta ocasión desprazámonos ata a provincia da Coruña, para facer un bonito roteiro costeiro, en concreto o camiño entre O Barqueiro e o faro de Estaca de Bares.

O día preséntase perfecto, nubes e claros, boa temperatura, fai un pouco de vento pero na primeira parte do roteiro estaremos abrigados, pola ladeira e o bosque. Comezamos na parte alta do Barqueiro e imos percorrendo as súas rúas, gozando das fermosas vistas da ría, saímos en dirección A Fábrica, imos por unha pista ancha, cubertos polos eucaliptos. Imos agora en dirección Espiñeiral, para seguir ata Vilela, continuamos ata Campelo e xusto á altura da estrada local desviámonos á dereita e comezamos a descender cara á praia de Bares, a cal bordeamos para chegar ao porto de Bares, onde faremos unha parada técnica para tomar algo e repoñer forzas, é o momento que algúns aproveitan para mollar os pés na auga da praia.

Desde aquí subimos a Bares, para logo baixar ata o faro que esta xunto aos restos da base americana. Facémonos unhas fotos, con certa dificultade, polo vento que sopra. Subimos ao bus e dirixímonos ao restaurante, será en Loiba, no Galeón, onde fagamos a comida de confraternidade, como sempre moi rica e abundante.

Rematada a mesma collemos o bus e de regreso a casa.

Grazas a todos e ata a próxima.

Un saludo.

Morís.