Crónica

Ruta Ribeiras do Sor.


Ola a todos !!!


O domingo 25 de febreiro, "Os Sendeiros" fixemos a ruta do río Sor.


Saída de Foz as oito e media e recolléronos en Ferreira un pouco antes das nove. A mañá era fría e con bastante néboa, pero a ilusión e gañas de gozar do día, xunto cos nosos compañeiros era moito máis forte.


Comezamos a ruta sobre as dez da mañá, toda discorre ó carón do río Sor (limite das provincias de a Coruña e Lugo que desemboca na ría do Barqueiro) nun sendeiro moi doado, rodeado de carballos, castiñeiros , abeleiras .... discorre a nosa andaina, a veces nun silencio absoluto que parecía que as augas do río non se movían e outras veces ruxía con pequenos saltos e rápidos que nos facían parar para contemplalo e facer preciosas fotos.


Ó remate, un xantar cun menú variado, abundante moi rico, no Galeón en Loiba, recuperamos forzas para a tarde visitar Punta de Estaca de Bares. Unha paisaxe e unhas vistas impresionantes, aínda que con moito vento... fomos testemuñas durante uns minutos dos abrazos do mar cantábrico e do Océano atlántico.


Sobre a tardiña de volta a casa; un día distinto, único e con moi boa compañía.


Por moitos máis así .. e ata a próxima.


Mª Carmen Sixto.