Crónica

45 Marcha nacional de Montañeros Veteranos

Este ano tivo lugar en Mojácar, Almería, e por tal motivo desprazámonos ata alí. Saímos o mércores a media noite en bus e viaxamos toda a noite para chegar á hora para comer ao destino, tras rexistrase e comer no hotel dirixímonos ao lugar de encontro onde a organización deunos a documentación e indicacións oportunas para a ruta do sábado.

O venres día do Pilar, dedicámolo a facer unha visita moi interesante a Almería capital pola mañá e pola tarde á paraxe natural do Cabo de Gata, fermoso lugar de orixe volcánico, espectaculares vistas dende o faro.

O sábado madrugamos para participar na marcha de veteranos, a organización tíñanos dúas posibles rutas, unha longa duns 15Km. e outra curta duns 9Km. , nós dividímonos en dous e unha parte faremos a longa e os outros a curta.

A longa partiu das inmediacións do Miradoiro do Apartadero, no Porto dos Peites entre a Serra do Aguilón e a dos Piñeiros, comezamos ascendendo entre campos de cultivo, ata chegar ao miradoiro, bonitas vistas panorámicas, dende aquí nun forte descenso baixamos ata a urbanización Mundo Aguilón, bordeamos o seu campo de golf e dirixímonos á urbanización Bellavista, xa á beira do mar, e lugar de comezo da ruta curta.

Dende este punto a marcha discorre por camiños carreiros e praias, comezamos en Terreros dirección a Aguias, en metade do pobo espéranos un avituallamiento, continuamos e pasamos baixo o Castelo de Terreros, ao final do pobo, agora a camiñada discorre por un carreiro de pescadores que bordea o litoral e que cunhas singulares vistas sobre os Cantís de Honduras e Despeñaperros, Illa de Terreros, Illa Negra e Praia de Palmeiras déixanos impresionados, continumos ata a Cala de Cocedores onde poñemos o punto final á marcha de hoxe. Subímonos aos buses e dirixímonos a Pulpí, lugar para a comida de confraternidade. Ao remate da mesma achegámonos ao casco antigo de Mojácar para visitalo e terminar as actividades do día. Estes días aproveitamos para darnos uns baños no mar mediterráneo, xa que as súas augas están quentes e fai unha temperatura magnífica.

O domingo madrugaremos, deixaremos o hotel e en bus dirixirémonos ata Foz e Ferreira atravesando a península Ibérica de Sur a norte.

Bonita fin de semana en boa compañía, o que aínda fíxoo mellor. Esperando xa ao do próximo ano que será por terras de Ávila.

Un saúdo.

Morís.