>  

Crónica

RUTA CABO VIDIO - PLAYA DEL SILENCIO

Nesta ocasión desprazarémonos ata o concello de Cudillero, para realizar un bonito roteiro costeiro, onde as vistas a pesar do día nubrado foron marabillosas.

Chegamos ao faro do cabo, baixámonos do autobús, sopra algo de vento, facemos a foto de grupo e comezamos a camiñar. Primeiro imos á punta do cabo e gozamos das vistas panorámicas, destes maxestosos cantís, para logo seguir esta senda costeira que nos ira levando pola parte alta de praia en praia. A primeira Praia, a de Doira, seguimos dirección Galicia e chegamos á praia da Cova, aquí facémonos unha foto xunto a un barco pesqueiro, uns pasos máis adiante chegamos ao miradoiro do Sablón, co seu banco no bordo do cantil. Agora toca separarse un pouco da liña de costa e chegar ata a Reguera, de aí baixamos á praia de Vallinas onde nos esperan os restos duns muíños, neste punto tócanos unha forte subida entre piñeiros, onde unhas cordas axúdannos a superar o reto. Seguimos e pasamos pola praia dos Negros, dirixímonos á Fronteira para desde aí pasar pola praia Lairín, camiñar cara ás primeiras casas de Novellana e desviarnos cara ás Matas, onde comezaremos o descenso á praia do Silencio, punto final ao noso roteiro de hoxe. Subimos camiñando ata Castañeras onde nos recollerá o autobús, para levarnos ata Canero onde terá lugar a comida de hoxe.

Bonita xornada, grazas a todos por facela posible.

Ata a próxima.

Saúdos.

Morís.