Andareiro 3

A rota transcorre polo interior do Concello de Foz, pasando polas parroquias de San Martiño, Santa Cilla e San Acisclo, gozando dos fermosos paisaxes da zona.

A sua vexetació: piñeiro, eucalipto, salgueiro, bidueiro, acacia, carballo, castiñeiro, amieiro, mimosa, loureiro, sabugueiro, fan neste andareiro sentir o frescor desta diversidade de árbores. Con sorte pódemos encontrar algún corzo vagando pola campía de San Martiño ou Santa Cilla.

Unha vez chegado á Frouxeira atoparémonos con restos do Refuxio do Mariscal e contemplaremos unhas belas panorámicas dos Vales: Alfoz e Valadouro, coa serra do Xistral de fondo.

"Ao pé da Frouxeira, Foz recorda tempos de esplendor nos que o Mariscal Pardo de Cela rexía os destinos do Reino de Galicia.

O Mariscal Pedro Pardo de Cela Aguiar e Ribadeneyra naceu no Castro d'Ouro, fillo dunha das máis nobres liñaxes do Reino de Galicia: os Señores de Cela e de Violante de Aguia. Íntimo amigo dos Condes de Monterrei e de Lemos, casou con Dona Isabel de Castro, filla da condesa Beatriz e de Don Pedro de Osorio, uníndose así cos poderosos Condes de Lemos e con outras importantes liñaxes do Reino de Galicia. Os desleais vasalos abriros as portas do castelo A Frouxeira ós casteláns aproveitando a estadía de Pardo de Cela no castelo de Castro d'Ouro, onde o Mariscal estaba visitando o leal Señor Pedro Miranda. De volta Á Frouxeira o 7 de decembro de 1483, o exército de Mudarra apreixou por sorpresa no salón do castelo ao Mariscal, ao seu fillo e a Don Pedro de Miranda, "con moitos fidalgos honrados que con él estaban", levándoos a Mondoñedo para execución pública exemplar.

Per treyzón tamén vendido

Jesús nosso Redentor,

e por questes treydores,

Pero Pardo, meu Señor

(Lamento de A Frouxeira"

Crónica

A ruta comenza dende o Concello á hora prevista pola organización. Forman o grupo 24 persoas que con mochila ao lombo emprende a marcha. Subimos polo Calvario e a altura do cemeterio collemos hacia esquerda para baixar polo Castro hacia Marzán, camiño do Santo. Neste punto esperamos por algun rezagado que quedara na subida. Foi moito a lata que un cativo me deu subindo; nada máis comezar xa tiña gañas de xantar a comida que levaba para todo o día. Despóis do agrupamento segue o camiño entre os eucaliptos que no nos deixan ate chegar a San Martiño, contemplamos a catedral e despóis de beber un trago de auga na fonte da Zapata, emprendemos de novo a marcha. Hai que decir que toda a ruta transcorre polo interior do concello de Foz, pasando polas parroquias de San Martiño, Santa Cilla e San Acisclo.

Unha vez chegado á Frouxeira atopámonos con restos do refuxio do Mariscal Pedro Pardo de Cela e contemplamos unhas belas panorámicas dos vales de Alfoz e Valdouro, coa serra do Xistral de fondo. Dase o caso que este día houbo un tempo primaveral e púdose ver unhas vistas do Val, con uns bancos de neboa flotando, e dende a cima visionala como si tiveses voando nun avión. Verdadeiramente impresionante.

No alto da Frouxeira foi donde xantamos todos en grupo e comentamos a experiencia. Despóis de un descanso de pouco máis de unha hora, iniciamos o regreso.

Ao pouco do descenso tomamos unha senda á dereita en busca do río Centiño. Si a ida foi moi bela, a volta e completamente distinta e con o encanto do río. Pódense atopar varias casas antigas en plena restauración. Saímos do cruce de San Martiño e collemos á dereita rumbo á Capela do Carme. Antes de escomezar a subida, á dereita tivemos a oportunidade de ollar un fermoso regato e unha fonte, todo elo restaurado e coidado o seu entorno; un rincón moi bonito.

Chegamos ó alto e collemos o camiño que nos leva por Xinzo, Escanlar e, tomando a baixada acercámonos a Porto para axiña chegar a Foz polo camiño antigo. Eran as cinco da tarde cando arribamos diante do Concello.

A ruta foi de plena satisfacción para todo-los ruteiros.