Crónica

ENCONTRO SENDERISMO A PONTENOVA.

Un ano mais A Pontenova celebra o encontro de asociacións de senderismo e tempo libre de Asturias e Galicia, nesta ocasión a ruta será a do ferrocarril. Desta volta ten un carácter reivindicativo, pídese que se remate a senda verde que une as localidades de Ribadeo e A Pontenova, o que era o camiño do tren mineiro.

Pola mañanciña xuntámonos na praza dos fornos, collemos o avitualllamento, montamos nos buses e dirixímonos cara a saída, en Ria de Abres, despois de ler un manifesto pedindo a realización da senda verde diante das autoridades, alcaldes e deputación, comezou a marcha.

Esta primeira parte da ruta de hoxe é inédita, fai-se por primeira vez, de feito algúns tramos están a medio arranxar, e outro pouquiño témolo que facer pola estrada xeral.

Unha vez chegados a Santirso, imos pola senda que xa leva anos aberta, e moi fermosa. Imos rodeados de vexetación, o rumor das augas bravas do río Eo, fan o camiñar tan pracenteiro. O chan e de terra e zahorra, o que da un camiñar moi cómodo. Neste domingo soleado e caloroso, presta entrar nos túneles que se atopan nesta parte asturiana da ruta, axudan a refrescar.

Cando entramos no concello da Pontenova, o piso da senda pasa a ser de asfalto, é unha magoa. E desta guisa chegamos A Pontenova, onde na Praza dos Fornos nos agarda o xantar que nos teñen preparado dende a organización.

Un saúdo.

Morís.