Crónica

RUTA MONDIGO


Para o roteiro deste mes ímonos a achegar a Ribadeo, levaranos ao alto do Mondigo. Nesta ocasión, somos un grupo pequeno, debido á as limitacións da pandemia. O día non acompaña, está o ceo gris, fai vento e en ocasións chove- Po xa o apuntaban as previsións, pero non podemos faltar á nosa cita.


Xuntámonos en Acevedo, onde damos as indicacións oportunas sobre o roteiro, así como lembrar o protocolo anticovid. Collemos dirección oeste, por unha pista rodeada dunha frondosa vexetación, este comezo é con desnivel suave e positivo, ata chegar ao primeiro cruzamento que iremos pola nosa esquerda, e comezaremos o ascenso ata a devasa, primeira parte pista estreita, ata chegar a unha pista ancha que atravesa un piñeiral, de novo iremos cara á esquerda, e así aos poucos imos gañando altura ata chegar á meseta na que está a devasa, que pola pista paralela seguiremos dirección Cereixido, agora tócanos empezar a subir de novo dirección Catoril e a base do Mondigo, é unha pena do día que non nos permite gozar das vistas.


Unha vez na cima, paramos a repoñer forzas, tomando algo e bebendo, como non podemos gozar da espectacular vista desde esta atalaia, a parada é breve e comezamos o descenso, para seguir o mesmo camiño que nos trouxo á cima. Unha vez onde deixamos os coches decidimos ir comer ás nosas casas xa que segue chovendo e esta todo mollado.


Grazas a todos por este magnífico día, e ata a próxima saída.


Un saúdo
.


Morís.