>
Crónica
V DIA DO SENDEIRISTA DE GALICIA, SERRA DO GALIÑEIRO
Nesta ocasión dirixímonos a
terras pontevedresas,
concretamente á serra do
Galiñeiro, que é o lugar elixido
polos organizadores para
celebrar este evento.
Concentrámonos na ermida da
virxe das neves, aos poucos
xuntámonos senderistas de toda
Galicia, un centenar. Tras unhas
palabras do presidente da
federación, a presidenta de
Montañeiros Celtas, explícanos
como será o día de hoxe,
preséntanos aos guías da
actividade e comezamos a camiñar,
un carreiro moi cómodo, rodeados
de arboleda, piñeiros,
castiñeiros, carballos.
Comezamos baixando polos muíños
de Mosende, reliquias dun pasado
agrícola, hoxe en desuso.
Estamos rodeados de árbores
autóctonas, musgo, fentos e un
agradable rumor das augas deste
río que alimentaba a estes
muíños, bastante ben
conservados, non así as
conducións da auga.
Chegados á estrada viramos á
dereita e comezamos a subir en
dirección As Filgueiras, subimos
augas arriba, sorteando os
muíños de Chenlo, preciosa
vexetación, relaxante rumor das
súas augas e preciosos saltos de
auga. Continuamos ascendendo
camiño do pico Caldeiron, onde
temos unhas espectaculares
vistas, das Cies, Baiona, O
Porriño e ata Portugal. Baixamos
e dirixímonos por unha pista
ampla ata un precioso merendero
rodeados de piñeiros. Bordeamos
a cima do miradoiro da ermida,
subimos pola estrada ata os
aparcamentos da ermida e poñemos
punto final ao roteiro de hoxe.
Collemos os coches e imos á
tapería Baxiña, lugar onde
faremos a comida de
confraternidade, aproveitamos
para saudar e falar cos amigos
dos outros clubs entre tapa e
tapa, xenial comida. Ao rematar
a mesma unhas palabras do presi
da federación para clausurar e
tamén unhas palabras da
presidenta de Montañeiros
Celtas, para despedirnos.
Bonito día, grazas a todos por
esta magnífica xornada.
Un saúdo.
Morís.