Crónica
RUTA PENA TREVINCA.
Esta ruta pon fin a celebración
do vinte aniversario, é con ela
imos o teito de Galicia, será
unha fin de semana completa de
venres a domingo.
Saímos o venres a tarde cara á
aldea da Ponte, lugar onde imos
pasar dúas noites no refuxio de
montaña da federación, e así
poderemos estar mais descansados
para gozar da ruta, as vistas e
as paisaxes que imos ollar. No
refuxio durmimos e almorzamos
dous días, xantamos na montaña
de bocata e cenamos no bar Río
Xares, que ben nos trataron.
O sábado saímos cedo cara a
Vilanova, que onde comezamos a
ruta, está unha mañá fermosa, un
sol explendido e unha boa
temperatura. Partimos de diante
do cartel da ruta, imos
ascendendo por unha pista
forestal ancha, cara o Maluro a
primeira cima de hoxe, según
imos subindo amosanse unhas
impresionantes vistas da zona.
Case no Maluro apartámonos do
camiño para ollar as canteiras
de pizarra da comarca do
Valdeorras, seguimos camiñando e
subimos o Maluro, aproveitamos
para facer fotos do que dende
aquí vemos.
 |
 |
 |
 |
Continuamos camiñando e chegamos
a Poula de Campo Raso, onde nos
reciben un grupo de vacas,
pasamos xunto a elas e
continuamos cresteando dirección
Penatrevinca, e preto do noso
destino atopamos uns cabalos
pastando, grandes e pequenos.
Pouco despois chegamos a cima, o
punto mais alto de Galicia,
abraiámonos co que vemos baixo
os nosos pes, Fotos para
inmortalizar o momento e imos
descender cara o punto de
partida, polo mesmo camiño ata
onde atopamos as vacas, que aquí
xiramos a esquerda para facer un
forte descenso que nos achegue
as minas de wolframio que
explotaron os alemáns na guerra
mundial, dende aquí a Vilanova
onde comezamos a mañá.
O domingo saímos cara a
Sanabria, fumos ver Ribadelago,
pobo derruído por unha riada
trala rotura dunha presa en
tempos da ditadura, paramos no
lago Sanabria e paseamos en
catamarán polas súas augas,
continuamos camiño ata Puebla de
Sanabria, onde aproveitamos para
gozar desta fermosa vila
medieval, xantamos e a tarde
comezamos o regreso cara a Foz..
Fermosa fin de semana.
Un saúdo.
Morís.