>  

Crónica

Fin de semana en Sanabria: subida a Peña Trevinca

Neste mes de xuño desprazámonos a terras zamoranas, para facer o roteiro a Pena Trevinca, teito de Zamora e de Galicia. Estaremos toda unha fin de semana en Poboa de Sanabria, para desde alí realizar o roteiro e para os que non estaban en condicións físicas optimas, preparámoslles unha visita turística a Bragança.

O venres despois de comer, saímos en bus, cara a Poboa de Sanabria. Ao chegar cea no mesón Abelardo e despois á Pousada de Carlos V, que será o noso hotel estes días.

O sábado toca madrugar, almorzamos e dirixímonos ao lugar de partida do roteiro, o aparcamento da Lagoa dos Peixes. Aquí dividimos o grupo en dous, os que non están en forma quedan no bus, xa que irán a Bragança de visita turística, mentres o resto facemos o roteiro. O día está moi ben para camiñar, nubes e claros e unha temperatura estupenda. Equipámonos e comezamos a camiñar seguindo as marcas do roteiro elixido, ascensión a Pena Trevinca. Descendemos un pouco e comezamos a subir cara aos Corralicos, neste punto llaneamos e temos unhas magníficas vistas do Val do Tera, e do noso obxectivo, Pena Trevinca, pasados 3Km., comezamos o descenso cara ao val, unha vez no val atopámonos o Refuxio de Riopedro, seguimos a senda e cruzamos o río Tera sobre unha ponte de madeira. Agora camiñamos pola marxe dereita do rio, augas arriba, sorteando os numerosos arroios que achegan auga a este río, gozamos das esplendidas vistas deste val, dos rabaños de vacas e cabalos que ocupan este rico val, e así co son dos seus mugidos e o rumor das augas no seu descenso chegamos á base da cima de hoxe, a Majada Trevinca. Unha ollada ao que nos espera na ascensión e comezamos a subir a uns 200m da cima dividimos o grupo en dous, os máis fortes e agiles soben de fronte, polas rocas, o resto desviámonos á dereita, para subir en diagonal facendo a subida máis fácil, pasamos entre dúas neveros ata o colado e desde aí encaramos os últimos 100m ao cume. Satisfacción polo reto superado, comemos o bocadillo e facémonos unhas fotos. Recuperadas as forzas despois da subida, toca descender e facer o camiño á inversa ata o punto onde comezamos pola mañá. Cea en Abelardo e durmir no hotel.

O domingo levantámonos almorzamos, deixamos o hotel e percorremos as rúas de Poboa de Sanabria, gozando da súa beleza. Collemos o bus e imos á Casa do Parque, para gozar da súa visita guiada explicando todo valor deste Parque Natural. Subimos nova mente ao bus e imos ata o lago, aparcamos fronte á praia Custa Llago, gozamos da vista, e comemos no Chiringuito de Cesar. Ao terminar ao bus e para casa de regreso.

Grazas a todos por esta magnífica fin de semana.

Ata a próxima, un saúdo.

Morís.