>  

Crónica

Ruta do Mel e da Castaña, Salcedo.

Para pechar o mes de outubro de roteiros, desprazámonos ata Salcedo, na Pobra de Brollon, para camiñar o roteiro dá Mel e dá Castaña.

Baixamos do bus diante da igrexa, preparámonos, damos unha breve descrición do roteiro e comezamos a camiñar, atravesamos as rúas desta bonita aldea, collemos dirección sur por unha pista de saburra. Estes dous primeiros quilómetros son chairos, para logo comezar un descenso suave, así paso a paso chegamos a Penas do Castelo, xacemento arqueolóxico do século 9 antes de cristo. Facemos unha pequena visita e continuamos. Seguimos baixando e gozando dos miradoiros que atopamos, os cales nos mostran unha panorámica magnifica. Chegamos ao punto onde toca comezar a subida ata o punto de partida, é un carreiro de piso vexetal, que fai un cómodo camiñar, gozamos as vistas, pasamos por pequenas manchas de vexetación autóctona que sobreviviron aos incendios, aproveitamos para recoller algunha castaña, e relaxarnos gozando o paso por estes redutos de vexetación. Saímos a unha pista de saburra que nos encamiña á que collemos á primeira hora, e lévanos de volta a Salcedo, cruzamos polas súas rúas camiño da igrexa onde poñeremos punto final ao roteiro de hoxe.

Cambiámonos subimos ao bus e dirixímonos a Monforte para facer a comida de confraternidade.
Magnifico día en moi boa compañía.

Ata a próxima.

Un saúdo.

Morís.