Sábados de Agosto 2006

O primer Sábado 5 Ruta Burela - Nois, Foi unha sorpresa para moitos que formamos o grupo. Unhas pistas ben coidadas, e uns paseos marítimos dignos de pasear por eles, estes camiños van levándonos á beira do mar e poder ollar a gran beleza das praias de : Areoura, Os Alemáns, Os Xuncos, e como remate da ruta a praia as Polas. Todo elo sin perder da vista dende o alto o porto de Burela, e as bonitas e ben coidadas casas que durante todo o percorrido se ven. O día amaneceu cun ceo despexado e sol radiante.

Sábado 12 Ruta Nois - Foz .

Retomámos o camiño cunha mañá de sol en Nois para adentrarnos á beira do mar da parroquia, o recorrido e dunha beleza singular ao carón do mar, pódense ollar vellas casas aínda nun abandono, pero que con seguridade serán restauradas en calquer momento. Sigue o paseo pola praia de Arealonga, unha praia cunha parte de area e outra de pedras, ao final topámonos con o Castro de Fazouro cunha boa información sobre a sua historia, Seguimos por Fazouro sempre a beira do mar, ata chegar a fermosa praia de bandeira azul a Pampillosa, esta praia ten unha boa infrastuctura con : area recreativa, aparcamento, nela desemboca o río Ouro, que forma unha bela paisaxe todo o seu entorno. Seguimos a beira do río para coller a ponte antiga de ferro, e no alto cruzamos para seguir o camiño bordeando o mar ao carón do antigo cargadeiro de area e vai levándonos a praia tamén de Bandeira azul Peizas, pequena pero fermosa donde as haxa. Dende eiquí sigue a camiñata polo paseo marítimo ata a praia de bandeira azul de Llás, na hora que pasamos estaba chea de xente. Seguimos polo paseo ollando : Auga Doce, o Roncadoira, o Ollo do mar, belos rincóns que nos acercan a Fermosa praia tamén de bandeira azul a Rapadoira, xa no pobo de Foz, no paseo dimos por rematada a ruta. Creo, como pódese ler que foi unha ruta de ensoño para os amantes de as belas vistas que ofrece o mar.

Sábado 19 Ruta Vilaronte - Cornería.

Esta ruta fixémola en conxunto con Asociación de vecinos de Vilaronte, por estas datas festexan o día do Emigrante, e unhas das actividades foi este recorrido ao alto de Cornería, O día era dunha mañá explendida como as anteriores, formamos un bo grupo de andareiros esta vez, saimos de Vilaronte polo medio da parroquia e na casa da Roxa tomámos o camiño sempre en costa ata o pico do monte, pouco a pouco íamos ascendendo sin moita presa pois e unha verdadeira maravilla ollar, según vamos camiñando, a Foz dentro do marco da sua ría e a costa de San Cosme de Barreiros ao marxen dereito. No medio dun frondoso eucaliptal sigue o camiño por unha pista que nos vai achegando a cima, tomamos unha desviación a esquerda para chegar ao remate, o día era moi bo pero debido a altura do monte facía unha brisa que a verdade era de agradecer. Por fin chegamos, e no medio das antenas da tele, a organización nos sorprende cunha mesa chea de comida: tortilla. Chourizos, empanada, en fin de todo había, despois de dar gusto ao estómago, emprendemos o regreso en baixada constante ata Vilaronte. A verdade que foi un bo día de senderimo.

Sábado 26 Ruta Foz - San Martiño.

Este último sábado foi si queres un pouco de paseo relaxado para dar a coñocer algúns do grupo o encanto da Igrexa de San Martiño de estilo prerrománico e data do século X, nela estan os restos de San Gonzalo, despois da visita obligada e tomar un grolo de auga da fonte a Zapata, vamos camiño do monte do Santo entre eucaliptos, recreámonos na area de descanso do Santo e poder ollar a Capela do Bispo Santo, feita no seu día na honra a San Gonzalo para darlle as grazas por alexar a os invasores Normándos. Baixamos polo Prado vello para achegarnos a Marzán e de novo en Foz.

Resaltar das xornadas dos sábados que cremos que foi unha boa oportunidade para poder ollar as belezas que temos no noso entorno, e que para o ano que ven voltaremos a repetir.

Ata sempre

José Luis