Crónica

O domingo nove de Xaneiro, Fixemos o primeiro andareiro do ano, nesta ocasión fúmonos por terras de Ribadeo. Saímos con puntualidade as 8:30h de Foz, no traxecto en bus ata a saída démoslle a benvida a novo membro da asociación.
A andaina comezaba nas Aceas, antigo muíño de mareas, hoxe en desuso e recentemente rehabilitado, a marea estaba baixa e non nos permitiu gozar, das aves que neste punto se refuxian e alimentan aproveitando a preamar. Dende este punto a senda discorre por un arboreado que nos abeiraba do forte vento reinante neste día, e un camiño rústico e fermoso que serpentea seguindo o borde da ría, que nos queda pola dereita. Como quen non quer a cousa e sen nos decatar chegamos a casa das algas, neste lugar xa fai bastantes anos, manipulábanse as algas que o mar botaba na costa, para logo comercializalas. Continuamos, e neste punto tócanos pasar pola praia dos bloques entrada o peirao de Ribadeo, primeiro o comercial, logo o pesqueiro e rematando no deportivo.

 As Aceas - Rinlo (Ribadeo)  100_7745  As Aceas - Rinlo (Ribadeo)  As Aceas - Rinlo (Ribadeo)


Subimos as escaleiras que nos levan ata a capela de Santa Ana, e dende o alto ollamos o interior da ría, o peirao completo, a Ponte dos Santos e na outra veira da ría Castropol, Figueiras e o seu estaleiro. Imos agora cara o Cargadeiro, hoxe rehabilitado, pasamos xunto o forte de San Damian, e diriximos polo paseo cara o faro da Illa Pancha, facemos a parada de rigor para repoñer forzas, ollar a costa dende Burela ata Tapia de Casariego. Unha vez fixemos a foto de grupo, continuamos o camiño, pasamos xunto o Castro das Engrobas, en Vilaselan, aquí comezamos a percorrer o litoral polos camiños de pescadores, sempre moi preto dos cantís, o que nos fai ter unha vista das calas desta zona impresionante, mais adiante atopamos o Castro de Fornelos, e pasiño a pasiño imos percorrendo estes camiños, ata chegar a meta do día de hoxe, Rinlo.
Despedimos o día, cun xantar, onde compartir as impresións da marcha e o que aconteceu dende a derradeira ruta, no Lar de Carmiña, na Devesa.
Un saudo.


Morís.