Crónica
VIII ENCONTRO ASTUR-GALAICO, NAVIA.
Unha vez mais e xa van oito,
xuntámonos clubs e asociacións
de Asturias e Galicia, na
localidade asturiana de Navia.
Os amigos de Peña Furada, para
esta ocasión escolleron tres
fermosas rutas polo concello,
cada unha cunha dificultade
distinta, e todas doadas.
Unha turística pola vila para
coñecer a súa historia, outra
que se achegaría o litoral para
gozar desa paisaxe, e unha
terceira mais longa e un pouco
mais custosa, que nos levaría ó
pico Jarrio, para dende alí ter
unhas fermosas vistas da rasa
costeira asturiana e galega, así
como do interior do concello e
concellos limítrofes, fermosas
vistas de vales e montañas. Esta
discorreu por fermosas
congostras e camiños, cubertos
dun fermoso follaxe, que nesta
época do ano, o outono, tiña
prados e camiños tapizados dun
fermoso manto de follas de
distintas cores. Con que
suavidade se camiña por ese
tapiz de follas, que ledicia ir
camiñando en grata compañía
sentindo o murmullo dos cursos
dos regatos que nos acompañaron
o longo da ruta.
Cando chegamos o Pico Jarrio
tiñamos esperándonos o
avituallamento, que bo estaba, e
que vistas tan espectaculares
dende el, a costa asturiana e
galega por un lado, Navia e a
súa papeleira por outro, o fondo
todas as montañas que nos
rodean. Rematada a parada,
descendemos ata Navia, fin da
marcha de hoxe, lugar onde imos
xantar todos os participantes
xuntos, e así cun xantar e baile
de confraternidade pasou este
día tan fermoso, aínda que non
tivemos sol.
Noso agradecemento os
organizadores polo trato
recibido e polo ben organizado
que estivo o encontro.
Un saúdo, e ata a próxima.
Morís.