Crónica

ENCONTRO ASTUR-GALAICO, VEGADEO

Nesta ocasión dirixímonos cara a terras Asturianas, a Vegadeo, para participar no VI encontro Astur-Galaico, que organiza o club Pandela.
O día amence cuberto con nubes baixas sobre dos cumios das montañas, recíbennos no recinto feiral onde nos agasallan con chocolate e biscoitos para ir collendo forzas. Unha vez rematados os discursos de rigor organizador e alcalde dan a saída da camiñata.

Percorremos as rúas de Vegadeo, e o paseo do río Suaron pola súa marxen esquerda ata Pianton onde cruzamos a ponte sobre o río, para acceder a ruta que nos levara ata o Mazo de Meredo, será ascendendo por pista forestal onde nos atopamos con vexetación autóctona e eucaliptos. Subindo chegamos a Arcilo onde collemos a dereita para seguir ascendendo ata Cobres, neste punto dannos uns botelliñas de auga, aquí sepáranse as dúas rutas de hoxe os da curta iniciaran o descenso cara a Vegadeo por San Martin de la Vega de Villar, e os outros subimos un pouquiño mais para logo descender cara o Mazo de Meredo.

Tras unha pequena visita coas súas fotos de rigor, pois o lugar o merece, continuamos por un sendeiro bordeando o rio suaron ata a casona de Sestelo, para subir dende aquí ata Arcilo para volver a baixar a Suarón, e seguindo polas beira rúas chegamos de novo o recinto feiral de Vegadeo, fin da camiñata de hoxe.

No recinto feiral xantamos todos os participantes xuntos, e cun baile para baixar a comida despedimos o día.

Parabén a organización por todo, a ruta, a comida e o trato recibido.

Un saúdo, e ata a próxima.

Morís.