>  

Crónica

Viaxe a, 47 Marcha Anual de Deportistas con Veteranía, Crevillente

Para asistir á 47 edición da marcha de veteranos, preparamos unha viaxe de 5 días, nos cales tentaremos ver unha pincelada da zona.
O primeiro día dirixímonos a Elxe para facer unha visita guiada, que nos achegue un pouco á súa historia, ver un pouco do seu palmeral, ver a súa basílica, o seu museo, o seu casco antigo e gozar das súas terrazas.

Para a seguinte xornada dirixirémonos á capital, visitaremos con guía Alacante, o seu paseo, a sua con catedral, o seu concello, as súas ruínas, o seu mercado, o museo das fogueiras, camiñaremos polo seu casco antigo, gozando da vida social, das terrazas. Todo isto pola mañá, pola tarde teremos a reunión anual de montañeiros.

O terceiro día toca a 47 marcha, é en Crevillente, e ira en dirección á súa serra. Pola mañá cedo almorzaremos todos xuntos preto do rocódromo, para logo saír camiñando cara á serra en varios grupos, debido á pandemia, cumprindo cos protocolos. O día esta espectacular, loce un sol radiante, camiñamos por unha senda paralela ao barranco, en dirección á serra, está todo moi seco, toca ir en ringleira, cal serpe multicolor seguindo o curso do barranco, ensínannos restos arqueolóxicos, de muíños, canles e pontes de épocas pretéritas. Parámonos diante dos restos dun acueduto, e un arqueólogo dános unhas pinceladas, camiña connosco un pequeno tramo ata as ruínas dun poboado paleolítico. Seguimos subindo e baixo a sombra dun piñeiral facemos a parada técnica para comer algo. Continuamos subindo ata chegar ao punto máis alto da marcha de hoxe, que desde este cerro temos unhas vistas inmellorables da zona, divisamos ata o mar, as serras mais próximas de Alacante e Murcia, a propia capital e mesmo Benidorm. Toca comezar o descenso, senda estreita con moita pedra solta, ata chegar ás primeiras casas, desde aí xa é un camiño de bo piso e ancho. Chegados aos restos do acueduto metémonos no leito seco do río e baixamos ata Crevillente, onde comezamos pola mañá moi cedo, poñendo así fin á camiñada de hoxe. Comida de confraternidade todos xuntos, como colofón.

O cuarto día, dirixímonos a Santa Pola, para alí coller un ferri que nos achegue á illa de Tabarca, illa pequena e moi turística, a cal visitamos e aproveitamos para darnos un mergullo no mediterráneo. E como todos os días aproveitamos unhas horas da tarde para visitar Crevillente.

O quinto día toca viaxar en autobús e avión para regresar á nosa terra, e en terras asturianas á beira do aeroporto, no Alto de Praviano, no restaurante o Rancho, celebraremos a última comida todos xuntos desta viaxe.

Foi unha magnifica viaxe, nunha inmellorable compañía.

Grazas a todos por esta magnífica viaxe e ata a próxima.

Un saúdo.

Morís.