>  

Crónica

Rota da Auga, Guitiriz

Neste primeiro roteiro do ano, dirixirémonos ata Guitiriz, para facer o Roteiro da Auga, fermoso roteiro pola ribeira dos ríos Parga e Ladroil.

Comezaremos o roteiro na ponte medieval de San Alberte, o día esta gris, frio e a previsión é que antes de terminar de camiñar chova débilmente. Dirixímonos cara á capela de Santo Alberte, facemos unha foto de grupo, e continuamos río arriba por estas fermosas carballeiras. Gozamos do rumor das augas do Parga, que baixan con forza, relaxa o son de pisar esa cómoda alfombra de follas caídas tras o outono, e como non, da agradable compañía de todos os que formamos o grupo. Chegamos á ponte de Pitero cruzámolo e seguimos o precioso carreiro, as arbores sen follas e o tapiz de musgo que cobre as pedras, fan gozar da camiñada. Chegamos á área da fonte de Valdobín, onde aproveitamos para beber das súas augas sulfuradas, co seu característico cheiro a ovos podrecidos, enseguida chegamos a Parga, onde na súa área fluvial facemos unha parada para tomar un refrixerio antes de continuar, pasamos a través dun dos ollos da ponte e seguimos camiño. Agora á nosa esquerda flúe con forza o río Ladroil, o cal nos fará compañía ata o final do camiño de hoxe. Terminaremos o roteiro á altura do Balneario de Guitiriz, no restaurante a Casilla, lugar elixido para facer a comida final de roteiro, por certo unha comida espectacular, e un servizo inmellorable.

Magnifico estrea para os roteiros deste ano, grazas a todos e ata a saída do próximo mes.

Un saúdo.

Morís.