Crónica
RUTA, CURRO CANDAOSO, PAU DA VELLA, POZO DA ONZA.
A ruta deste mes será por terras
do Valadouro, camiñaremos cos
nosos amigos do Rebollín de
Salas, Asturias.
Xuntámonos en Ferreira, para
dirixirnos o punto de saída, o
Curro de Candaoso. O día amenceu
despexado, o sol, luce en todo o
seu esplendor. Tras unha breve
explicación de por onde
discorrerá a marcha de hoxe,
botámonos a camiñar, collemos
pola pista asfaltada dirección
norte ata o primeiro desvío que
colleremos a dereita polo Camiño
Real, e así descendendo chegamos
a Riobó, báixamos polo vía
crucis, uns cabalos que estaban
pastando escapan o galope cara
abaixo, ollamos as fermosas
vistas do val, da coqueta igrexa,
e seguimos descendendo ata
chegar o río, punto no que
comezamos o ascenso que nos
achegara primeiro o Coto do
Castelo para logo chegar o pico
do Pau da Vella, neste punto
paramos uns intres para ollar as
magnificas vistas, todo o Val do
Valadouro, a costa pola zona de
Xove e San Cibrao, os cumios do
Xistral, e non vemos a costa ata
Asturias xa que as cubre un
manto de nubes asomando so os
picos das montañas litorais.
Tras este breve intre seguimos
ata o Pau da Vella vértice de
concellos, e a carón dun muíño
eólico facemos unha parada para
tomar algo e repoñer folgos.
Agora comeza o descenso ata o
Pozo da Onza a través do val do
Rego dos Infernos, é por unha
pista ancha e de bo piso, con
unha pendente pronunciada, cando
chegamos o desvío seguímolo para
achegarnos a fermosa fervenza do
Pozo da Onza, algúns aproveitan
para refrescarse cas súas augas
cristalinas, facemos unhas fotos
e continuamos a andaina, para
así percorrendo as rúas de
Ferreira chegar o restaurante O
Novo, onde termina o camiño de
hoxe, e lugar elixido para facer
o xantar de confraternidade.
Un magnifico día, en grata
compaña.
Grazas a todos e ata a vindeira
andaina.
Morís.