Crónica

Ruta A Seimeira - Forcón de Ríos

Este mes tivemos que cambiar a ruta que estaba no calendario por outra, xa que na zona de Viveiro íase celebrar unha carreira de BTT, así que escollemos ir a zona dos Oscos.

O día estaba nubrado e ameazaba auga, de feito no medio da ruta caeron unhas pingas , pouca cousa. Comezamos en Busqueimado, onde visitamos a súa ermida flanqueada por dous teixos centenarios, sacamos unha foto de grupo e iniciamos o descenso cara a fervenza A Seimeira, nestes comezos temos unha forte pendente, pero discorre por unha fermosa fraga. Cruzamos o río pola ponte e ascendemos 300m ata a fervenza, e moi fermosa e leva moita auga, sacamos fotos e descendemos pola veira do río, un camiñar moi agradecido xa que o chan está tapizado das follas dos castiñeiros, carballos, acibros e demais arbores autóctonos que forman esta fermosa fraga, pasamos por Ancadeira aldea abandonada, e seguimos cara a Pumares, onde aproveitamos para repoñer folgos.

Iniciamos a subida cara a Poceiras, pola senda das carballeiras, fermosa paisaxe, neste punto collemos a senda que nos levará o Forcón, primeiro descendendo ata o río para logo volver a subir ata a capela do Carme, onde descendemos de novo pouco a pouco por un novo val tamén moi fermoso, sempre rodeados de vexetación autóctona, escoitando o rumor das augas bravas, que relax. No forcón, encontro de dous ríos facemos unha nova foto de grupo, co fermoso fondo que ofrecen o encontro das dúas correntes fortes de auga, para facer un rio mais caudaloso e bravo.

Seguimos camiñando chegamos a unha pequena aldea, As Casias, e cruzando o río uns pasos mais adiante chegamos a Valia, outra aldea case abandonada, con parte das súas casas caídas e a ermita que nela se atopa. Neste punto comezamos o derradeiro ascenso ata San Julián, que onde imos rematar a camiñata de hoxe.

Subimos no bus, para que nos achegue ata Santa Eulalia, que é onde imos xantar, será en casa Diego, comida de calidade, abundante e trato exquisito, de dez.

Grazas a todos por este fermoso día e ata a seguinte.

Morís.