Crónica
XXX MARCHA GALEGA
DE MONTAÑEIROS VETERANOS
9 de Setembro de
2018.
Ás 09:30h da mañá
xuntámonos diante do restaurante
Xoiña, onde repartimos as bolsas
co avituallamento e os
trípticos, despois dunhas breves
palabras dando a benvida e
explicando o percorrido da ruta
por parte da organización,
cedese a palabra o presidente da
federación que saúda os
participantes. Subimos os buses
e dirixímonos cara o punto de
inicio da marcha.
Chegados o lugar, baixamos dos
buses e equipámonos, estamos en
Fontao, onde ten o pazo o conde
de Fontao. Dende a estrada
baixamos cara a presa onde se
capta a auga para o concello de
Foz, é un camiño cuberto de
castiñeiros, cando chegamos a
veira do río Ouro, descendemos
pola marxe esquerda, fermoso
sendeiro cuberto de vexetación,
ó chegar a ponte cruzámola para
agora descender pola marxe
dereita. Nesta primeira parte a
a ruta de hoxe vai pola ribeira
do río Ouro, ata chegar a
Fazouro, que na Obra Pia,
aproveitamos para facer unha
pequena parada, cá que
reagruparnos, ir o baño, e tomar
algo para repoñer folgos.
Dende aquí xa collemos a senda
que percorre todo o litoral, o
Camiño Natural do Cantábrico,
sempre iremos dirección Este,
cara a Foz. A primeira praia que
atopamos é a Pampillosa, que
está na desembocadura do río
Ouro, seguimos camiñando para
dirixirnos cara á segunda, a
praia de Peizas, neste punto
temos un avituallamento, con
froita e bebida fresca, neste
lugar aproveitamos para facer a
foto de grupo.
O camiño continua por un paseo
marítimo que bordea o litoral,
deixando fermosas estampas desta
serpe de cor, que formamos os
que camiñamos. Así subindo e
baixando seguindo o relevo do
cantil chegamos a Praia de Llas,
longo areal de area fina e
branca. Continuamos o paseo ata
chegar a Rapadoira derradeira
praia de hoxe, dende o Prado de
Ramos ollamos toda a praia, así
coma a do concello de enfronte,
Altar, e toda a ría de Foz. Como
quenta o sol, algúns deciden
darse un pequeno chapuzón nas
súas augas cristalinas, xa nos
queda pouco para rematar, o
porto está a vista, ese é o
lugar para poñer punto final a
marcha de hoxe.
Damos 15min. para cambiarse de
roupa e tomar algo, subimos ó
bus e imos o restaurante Xoiña
que onde imos facer o xantar de
confraternidade. Rematado o
mesmo e mentres nos serven o
café, o presidente do club
organizador dirixe unhas
palabras os asistentes, unhas de
agradecemento pola participación
no evento e pide desculpas polos
erros cometidos, a continuación
cede a palabra o presidente da
FGM, o cal agradece os
asistentes a súa participación,
paso seguido procedese a entrega
dos agasallos os participantes
na marcha, e como remate final
fai se entrega dos trofeos, a
montañeira mais veterana, o
montañeiro mais veterano, e o
club ca maior participación.
Grazas a todos os participantes
e ata a vindeira edición.
Morís.