>  

Crónica

Ruta Seimeira de Vilagocende, A Fonsagrada.

Neste mes de marzo, o roteiro achegásenos á Fonsagrada, para visitar unha preciosa fervenza, a de Vilagocende, e con esa desculpa gozar dun rico cocido.
Toca madrugar pola distancia que nos separa do inicio do roteiro. Ao chegar á Fonsagrada, tomámonos un café, para despois dirixirnos ao comezo do roteiro, está ben marcado o inicio, un gran panel infórmanos da fervenza. Baixamos por unha pista de saburra, ancha, cunha suave pendente, rodeados de castiñeiros e carballos, ata a fervenza, xa un pouco antes de chegar oímos o ruído que fan, as súas augas bravas ao caer desde o alto, e vemos a parte máis alta da caída da auga. Está espectacular, cae unha gran cortina de auga, que pulveriza finas gotitas de auga que humedecen todo, facemos a foto de grupo e retrocedemos por onde baixamos 200m, para coller o desvío á esquerda e comezar o ascenso, moi pronunciado, por este fermoso bosque de castiñeiros, carballos e acivros, subimos serpenteando para salvar o desnivel. Como as arbores están sen follas, permítennos gozar da panorámica, destas montañas e vales. Chegamos á primeira aldea de hoxe, Aldoman, seguimos subindo cara ao Fito, onde se nos unen os que desde a fervenza subiron en bus para librarse deste primeiro tramo moi pronunciado. Camiñamos uns metros pola estrada pasando á beira dun forno de cal, para coller o desvío á dereita, e por un camiño de terra e herba, cuberto de castiñeiros e carballos, ir gañando altura aos poucos. Pasamos por Rozabragada, seguimos gozando dunhas belas vistas, e chegamos á seguinte aldea Fornos dá Cal, agora toca un tramo con algo máis de pendente, para coller a altura suficiente que nos levara a Granxa, xa vemos o final do noso roteiro ao fondo, Paradanova, aí temos o bus. Cambiámonos de roupa, montámonos nel, e dirixímonos ao Mesón Catro Ventos, en Barbeitos, onde nos espera un suculento cocido.
Grazas a todos por este magnífico día.
Ata a próxima.
Saúdos.

Morís.