>
Crónica
Ruta Rueta -
Burela
Para esta saída de xaneiro iremos a terras de Cervo, xa que partiremos de Rueta na costa, para terminar no concello veciño de Burela. Un roteiro na súa maioría polo curso do río Xunco.
Á primeira hora da mañá saímos
da praia de Rueta, esta pleamar
pero como son mareas pequenas,
bordeamos o dique que protexe o
noiro da praia, pasamos baixo a
ponte da vía do tren pola area,
e subimos un pouco para seguir o
roteiro marcado. Chegamos ao
cartel do miradoiro da ponte do
tren, onde lle facemos a foto
típica que se ve en todos os
folletos turísticos. Continuamos
pola marxe esquerda, entre
eucaliptos, castiñeiros,
carballos, bidueiros. A auga do
Xunco baixa revolta, xa que leva
chovendo varios días e a última
noite en abundancia, o que fai
que vaia crecido e nun punto
obríguanos a desviarnos do
roteiro marcado, xa que está
ocupada polas súas augas. Que
pracer aos ollos esas augas
bravas, saltando sobre as pedras
do río, esa vexetación que nos
deixa un tapiz no chan das
follas caídas este outono. Así
paso a paso chegamos á
Salgueiriña, cruzamos a estrada
nacional e seguimos subindo o
curso do río ata Cervo. É aquí
onde faremos a parada para
repoñer forzas comendo algo.
Continuamos augas arriba, ata
chegar a Sargadelos, camiñamos
polo paseo dos namorados,
chegamos á súa fervenza, esta
espectacular, facemos unha foto
de grupo. Seguimos subindo pola
senda botánica. Para coller unha
pista forestal baixo a liña de
alta tensión, que nos leve a
Burela, esta parte da marcha
discorre por montes de
eucaliptos. É unha zona chaira e
tirando cara abaixo, xa que imos
terminar xunto á igrexa
parroquial de Burela.
Grazas a todos por este
magnífico día, ata a próxima.
Un saúdo.
Morís.