Crónica

Ruta Rinlo - San Martiño

Nun bonito día, facemos esta camiñada desde Rinlo ata San Martiño, para exaltar a variante marítima do Camiño de Santiago.
Xuntámonos xentes de toda a Mariña e Asturias, en Rinlo, sobre a ponte xunto á Rula facémonos unha foto de grupo, para logo comezar a nosa marcha pola costa. O día está esplendido, loce o sol, non temos vento e a temperatura é fabulosa para camiñar. Este roteiro para reivindicar e enxalzala variante marítima do Camiño de Santiago, parte da asociación Abrindo Camiño.

Imos bordeando a costa en dirección San Martiño, usando as marcas do Camiño Natural do Cantábrico. Como se goza da paisaxe, a compañía, sacamos numerosas fotos xa que as vistas meréceno, a praia das Catedrais está a rebordar, continuamos e nos reagrupamos na praia de Arealonga. Seguimos camiñando gozando as vistas da comarca, as praias xa con xente aproveitando o bo tempo, ata chegar á praia de Altar, onde nos subiremos ao bus que nos levase ao restaurante onde imos comer todos xuntos, restaurante Dorrego, en Barreiros.

Terminada a comida dirixímonos á Espiñeira, para continuar a marcha evitando cruzar a estrada nacional. Toca subir cara á capela do Carmen, atravesando Villaronte, o sol cae en picado, e súase bastante xa que non hai sombra, visitamos a capela e continuamos cara a San Martiño, esta parte da camiñada é costa abaixo, xa nos dá sombra a vexetación e refresca o ambiente as augas do río Centiño, facemos parada no Espazo Caritel, onde Caxiguiero ofrécenos unha visita guiada por este magnífico pequeno xardín botánico, con obras de arte incluídas que o fan aínda máis atractivo, rematando cunha visita á galería, coa súa correspondente explicación polo artista. Subimos cara á Basílica de San Martiño, onde rematan os actos de hoxe, coa actuación da banda de música de Foz e unhas palabras das autoridades presentes.

Magnifico día grazas a todos e ata a próxima.

Morís