>  

Crónica

XXXIV MARCHA DE MONTAÑEIROS VETERANOS

XUNQUEIRA DE AMBÍA

Este ano tocoulle organizala ao club Pena Trevinca Montañeiros de Galicia, e escolleron o PR-G 194, Carreiro de Palamios, na provincia de Ourense.

Concentrámonos en Xunqueira de Ambía ás 9:00h, tras unhas breves palabras do organizador e do presidente da FGM, dá comezo a marcha. Saímos dirección sur para coller as marcas do roteiro, o branco e amarelo. Pasamos á beira dunha explotación de gando caprino, seguimos descendendo ata introducirnos nunha fermosa carballeira, todo o que nos rodea está seco, de cor ocre e dourado, os musgos que se atopan sobre as pedras do camiño e os peches das leiras están mustios pola falta de auga, ante a seca que temos. Imos bordeando o río Arnoia, e atopámonos con Palamios e os seus restos de construcións, outrora dedicadas ao curtido de peles. Pasamos pola praia fluvial de Xunqueira, seguimos camiñando e pasamos pola ponte romana. Ascendemos cara a San Xillao, facemos unha breve parada para agruparnos e continuamos, imos atravesando fermosas carballeiras, con algunha mancha de castiñeiros, llagando a Armariz, onde nos espera o avituallamiento. Unha vez renovada a marcha dirixímonos á ponte dás Poldras, onde nos facemos unha foto de grupo sobre esta ponte, pasamos á beira dos cubos de pedra e arboles pintados por Ibarrola. Subimos camiñando cara ao lugar dá saída, en Xunqueira de Ambía, e poñemos o punto final á xornada de hoxe.

Cambiámonos de roupa, subimos aos coches e dirixímonos a Allariz, que nun restaurante local faremos a xantar de confraternidade.

Precioso día en canto ao meteorolóxico e á compañía.

Ata a próxima.

Morís.