>
Crónica
Ruta Costa Naviega.
Para a saída deste domingo
volvemos dirixir cara a terras
asturianas, iremos a Navia a
participar na Costa Naviega.
A saída terá lugar no Bao, onde
nos reciben a ritmo de gaitas e
agasállannos cun rico e quente
chocolate acompañado de
biscoitos. Nesta campa imonos
xuntando os máis de 2000
participantes, que pacientes
esperamos as palabras das
autoridades e o corte da cinta
para comezar a camiñada de hoxe.
Baixamos cara á praia de Barayo,
atravesando a reserva parcial de
Barayo, bonito bosque, carballos,
castiñeiros, piñeiros. Desde o
alto do cantil vemos a praia e a
vista panorámica ata o Cabo de
Peñas. Seguimos a senda en
dirección oeste, pola nosa
esquerda rodeados de maizales e
pola nosa dereita o precipicio
destes magníficos cantís. Que
bela estampa esta serpe
multicolor que percorre todo o
litoral, a que formamos os
senderistas. Ao chegar ao Tornil
espéranos un avituallamiento,
que ben senta para repoñer
forzas, xa que fai moi boa
temperatura. Pouco máis adiante
atopámonos con Porto de Vega,
fermosa vila mariñeira,
engalanada con belas alfombras
florais, na honra do Corpus
Cristi. Paramos a tomar unha
cervexa e continuamos camiño.
Que panorámica tan espectacular
temos, ao lonxe máis aló do faro
de Navia obsérvase Burela. Segue
a serpe multicolor o seu camiñar,
serpenteando a costa camiño da
praia de Frejulfe, que é o lugar
onde nos darán a bolsa coa
comida, un bolo preñado, froita,
iogur e auga.
Xusto cando acabamos de comer,
comeza a soprar un forte vento,
que desprende ramas dos piñeiros,
e a caer un forte chuvieiro, o
que nos decide a suspender o que
nos faltaba de roteiro, e así
poñemos punto final ao roteiro
nesta praia.
Bonito día a pesar de todo.
Un saúdo.
Morís.