Crónica
DIA NACIONAL DO SENDEIRISTA A CAÑIZA
Os Sendeiros de Foz, dentro da
celebración do día nacional do
sendeirista, que durante tres
días tivo lugar na Cañiza,
participamos nos actos do
domingo 30 de abril, na ruta e
no posterior xantar de
confraternidade.
Saímos o sábado pola mañá para
recoller a documentación, para
despois dirixirnos cara a Vigo
que e o lugar elixido para
pernoitar, xantamos en Vigo e
pasamos unha tarde de sol
percorrendo as rúas e gozando do
ambiente da cidade, que estaba
tomada por xentes chegadas do
país vasco, afeccionados do
athleti de Bilbao, xa que o
domingo enfrontábase o Celta.
O domingo deixamos cedo o hotel
e diriximos a Cañiza para facer
a ruta programada, moi fermosa
por certo. Partimos da igrexa de
Parada das Achas, e dirixímonos
cara o río Calvo, ascenderiamos
pola marxe dereita, atravesando
a súa fermosa fraga, ollando,
carballos, castiñeiros, acibros,
algúns deles centenarios, así
como unhos tapices de musgo, nas
súas diversas tonalidades de
verde, que nos deixaron
abraiados, que tranquilidade,
que ledicia escoitar o rumor das
súas augas batendo contras as
pedras, facendo pequenas
fervenzas, neste camiñar
atopamos restos de antigos
muíños, hoxe derruídos e en
desuso, testemuñas dun pasado
mais rural e agrícola.
Continuamos camiñando pola outra
marxe do río Calvo ata a Ermida
da Pena de Francia, lugar
elixido pola organización, para
facer o avituallamento, un
consomé quente, un chourizo con
pan e algo de beber,
aproveitamos para ver o lugar
falar con outros senderistas,
descansar e repoñer folgos para
encarar o derradeiro treito do
día. Cruzaremos o río Oulo para
continuar camiño ata o río Deva
que tamén cruzaremos por riba
das penas para ascender ata Ibia
onde remataremos a camiñata de
hoxe, colleremos os buses que
nos acercaran ata a Cañiza onde
todos xuntos xantaremos.
Grazas a organización polo bo
traballo realizado, todo estibo
perfecto, e non é doado, cando
participamos tanta xente vida de
todos os lares de España.
Un saúdo a todos e de novo
grazas.
Morís.