Crónica

SUBIDA O PICO DA LEBRE

Chego a primeira Andaina de Verán deste ano, dentro dos roteiros senderistas do concello de Foz, escollemos para esta marcha unha subida ao Pico dá Lebre.
Xuntámonos na praza do concello, ás 9 da mañá, nesta ocasión seremos unha quincena de camiñantes. Subimos dirección ao colexio do Pilar e por un carreiro que o bordea ascendemos cara ao cemiterio, para continuar cara ao Castro de Marzán, no Pereiro desviarnos á esquerda, e no seguinte cruzamento á dereita, camiño que nos deixase á altura da vía do tren. Dende aquí subiremos pola estrada ata a capela do Bispo Santo. Lugar que aproveitamos para facernos unha foto de grupo.

Subimos cara ao miradoiro do Pico dá Lebre, pero a media subida tomamos a pista de zahorra que se desvía pola dereita. Esta pista vai a media ladeira bordeando o noso obxectivo de hoxe. Neste tramo temos unhas magnificas vistas de Fazouro, o polígono industrial, a súa ría e o mar. Seguimos camiñando a nivel por unha pista cómoda, ata o punto en que empeza a ascender cara á canteira, a subida levase ben, é bastante tendida.

Nada mais superar a canteira facemos a parada para repoñer forzas, e atopamos unha planta estraña, un Tajinaste vermello das Cañadas do Teide, ensínanolo un participante, Jose Manuel, galego residente nas illas Canarias. Escollemos este lugar xa que hai bastante néboa baixa e na cima non nos resultaría agradable para parar.

Unha vez no alto, a penas vemos nada, pero en canto descendemos xa podemos ollar algo, aínda que non moi ben, unhas preciosas vistas da ría e a costa de Barreiros, non alcanzamos a ver Asturias polas nubes baixas, un pena, bo así hai unha escusa para subir outro día con mellores condicións meteorolóxicas para gozar da paisaxe.

Chegamos de novo á capela e seguimos baixando ata Foz para terminar esta primeira Andaina de Verán.

Grazas a todos e ata a seguinte.

Morís.