>  

 

Crónica

Sábados de verán: Ruta Río Ouro

Para este primeiro roteiro de agosto, dirixirémonos ata Fazouro, onde faremos unha variante circular do roteiro do río Ouro, a cal nos achegará a Trasmonte.


Xuntámonos ás 9:00h na área recreativa Dá Ponte de Ferro, facémonos a foto de grupo, damos unhas breves explicacións do roteiro e comezamos a camiñar. Saímos en dirección á Obra Pía, para seguir bordeando a ría cara á Ponte Vella, pero antes de chegar desviámonos cara á esquerda dirección A Casanova, onde nos iremos penetrando no bosque, como non de eucaliptos, esta primeira parte é por unha pista de saburra, con moi bo firme, sempre ascendendo, o que nos levará ata Trasmonte. Nada mais entrar desviámonos á dereita, descendendo por unha pista flanqueada por castiñeiros e con herba no chan, o que fai un bo camiñar, este camiño leváranos ata o río Ouro, xusto ao acceso á fervenza de Pousada, é neste punto onde faremos a parada para comer algo e repoñer forzas. Desde aquí descendemos o curso do Ouro, á nosa dereita a canle que recolle a auga para a traída de Foz, e á esquerda o río Ouro. Esta parte do roteiro é moi fermosa, o rumor da auga, a vexetación exuberante, bríndannos un paseo moi relaxante. Así paso a paso chegamos a Fazouro, ao lugar no que iniciamos a camiñata.


Grazas a todos por este fermoso día e ata a próxima.

Un saúdo

Morís.