Powered by Wikiloc

Crónica

RUTA CAMIÑO FERRADAL OU DA CALEIRA, QUIROGA


Nesta ocasión camiñaremos pola Ribeira Sacra, por terras de Quiroga.


Saímos de Rugando para rematar en Ponte Soldón, atravesaremos o val do río Soldón en dirección sur. Partimos da ferrería de Rugando, hoxe aloxamento rural, cruzamos a ponte sobre o río, para coller a senda que pola marxe esquerda, nos permitirá percorrer o val. Nos primeiros metros cae unha fina choiva, de seguida pasa e queda un tempo seco e cunha temperatura moi agradábel para camiñar.


O camiño faíse estreito e segue o curso do río, esta cuberto por castiñeiros que deixan caer o chan o seu rico froito, que aproveitamos a apañar, de madroños cos seus froitos de unha cor vermella moi fermosa, que indican que están no seu punto, que sabor tan doce, tamén atopamos carballos, piñeiros, toda unha serie de arbustos, que fan unha senda moi frondosa.


Imos subindo e baixando seguindo o relevo do val, o que nalgúns puntos nos obriga a cruzar pequenas pontes de madeira, para salvar os arroios que alimentan o Soldón. Na metade do percorrido facemos unha pequena parada para agruparnos e repoñer folgos.

 20161023_101618  20161023_113400  IMG_20161023_134346  Ruta Camiño Ferradal ou da Caleira (Quiroga)


Continuamos camiñando por este fermoso val e chegamos a Pena Furada, túnel feito polos romanos para levar auga as minas de ouro.


Dende este punto xa atopamos vides e olivos, que producen caldos e aceites de gran calidade. Nesta parte final encontrase a Cova de Ricopete, antiga mina romana, xa encaramos o tramo final do día de hoxe, estamos a chegar a Ponte Soldón, onde se unen o Soldón e o Sil.


Damos por finalizada a marcha de hoxe, e collemos o bus que nos levará a Rairos a casa Luís onde imos Xantar.
Foi unha ruta moi fermosa e un día perfecto, no que puídemos gozar da natureza en boa compañía.


Un saúdo.
Morís.