Crónica

RUTA PICO CORNÓN

A ruta de hoxe percorrera terras asturianas, faremos unha ascensión o pico Cornón, en Somiedo, xa que a ruta escollida polos nosos amigos do Rebollin de Salas, para facer o irmandamento. Xuntámonos con eles en Belmonte de Miranda, onde tomamos algo fomos ó baño e estiramos as pernas. Saímos no bus e coches cara ó inicio da ruta no alto do porto, en Santa María del Puerto.

O baixar dos vehículos e antes de comezar a marcha facemos unha foto de grupo, atravesamos as rúas desta aldea cara o río Bayo o cal cruzaremos. Iremos ascendendo ata o inicio do val Valle de Cimera, continuaremos camiño a media ladeira por enriba da Vega de Penouta, dende aquí podemos ollar pola nosa dereita a Pena Penouta e pola esquerda el Picu Prefustes e Miro Malo,e unha vez alcanzado unha fermosa collada temos as primeiras vistas do obxetivo de hoxe, o Pico Cornón, xa empezamos a pisar neve e vemos que o resto do camiño ata a cima nos obrigara a pisar moitos neveros mais.

Atravesamos esta collada en leve descenso, pisando neve, ata un altiplano chamado as Mozarras, non podemos ver o esplendor da vexetación subalpina xa que cubre todo un manto branco. Dende este punto pola dereita ollamos as siluetas de a Peña Blanca e o Fontanon así como a base do Cornón e o camiño para ó seu ascenso pola cara sur a chamada Escalera del Cornón.

O tempo non acompaña, estase a formar unha tormenta nas cimas mais altas a nosa dereita, e no Cornón está entrando néboa mesta, o cal nos obriga a abandonar a idea de chegar a cima, salvo a catro que aumentan o ritmo para conseguilo. Aquí na base do pico tomamos algo a presa, ante o que se aveciña, e volta imos cara onde comezamos, polo mesmo camiño pero a inversa. Cando chegamos de novo as Mozarras cúbrenos a néboa e case non nos deixa ollar o camiño, imos todos moi xuntos para que ninguén se extravíe.

Chegamos todos ben a Santa María, mudámonos de roupa, para poñernos secos, e baixamos o porto nos vehículos ata Belmonte que é onde imos facer o xantar de irmandade, será no hotel Cela, un xantar de dez o igual que o trato.

Unha xornada espectacular cos amigos do Rebollin, verémonos de novo con eles en setembro, pero nesa ocasión será pola nosa zona, polo Xistral.

Grazas e un saúdo.

Morís.