>  

Crónica

Belén de Cumes 2024: Penido Vello

Para este último roteiro, como xa é tradición, fomos poñer o Belén, na cima do Penido Vello.

Xuntámonos en Ferreira para logo desprazarnos en coches ata o punto de partida do roteiro, que é na subestación eléctrica. O día esta nubrado con algún claro pero fai moi boa temperatura. Deixamos dous coches no punto de inicio e comezamos a camiñar, neste ascenso ao Penido, levamos un coche de apoio, xa que as previsións meteorolóxicas non son moi positivas. Imos subindo gozando das magníficas vistas que temos, o Val de Ouro, a costa, a serra do Xistral, contemplamos os cabalos e vacas que andan libres pastando por esta zona. Cando xa chegamos á cima, empézase a meter a néboa e unha brisa fría, así que montamos o Belén, facémonos unha foto e comezamos un rápido descenso ata os coches, trasladamos o brinde e a festa do cume a Ferreira que aí fai sol e non dá o aire.

Grazas a todos por facer unha vez máis posible estas saídas, tan agradables e entretidas.

Felices festas e feliz aninovo.

Un saúdo.

Morís.