>  

Crónica

Ruta Travesía Costa Naviega 2025

Un ano máis nos achegamos ata Navia, para participar neste bonito encontro, que organizan os nosos amigos de Peña Furada.

Chegamos con tempo para prepararnos, tomar un chocolate quente con biscoitos, facernos unha foto de grupo, falar con amigos doutros clubs, que tamén asisten a esta marcha. Despois dunhas breves palabras das autoridades, dáse o pistoletazo de saída. Nós optamos por coller outro camiño para evitar o tapón da saída e imos ata a aldea de Vigo para coller a senda. O día esta marabilloso, loce o sol, o que nos deixa unhas vistas espectaculares desta parte da costa asturiana. Esta serpe multicolor vai percorrendo o carreiro, debuxando o perfil da costa, pasando polas numerosas calas, coas súas augas claras dun azul turquesa que nada ten que envexar ás do Caribe. Chegamos a Porto de Vega, fermosa vila mariñeira, onde aproveitamos para tomar algo e hidratarnos. Continuamos o camiño, falando cuns e con outros, gozando as vistas e a compañía, e case sen darnos conta xa estamos na praia de Frijulfe, onde nos dan a bolsa có avituallamiento. Paramos nesta praia para comer tranquilos, o que a organización nos preparou, ao terminar continuamos o roteiro, desde a praia toca subir ao alto do cantil, para continuar en dirección a Navia. Á metade de traxecto entre a praia e o final, agasállannos cun vaso de sangría fresquiña, que coa calor que fai senta moi ben, e axuda a coller forzas para afrontar o último tramo do día de hoxe. Chegamos a Punta da Barra, desde onde vemos a entrada á ría de Navia e a súa praia, xa case estamos a terminar, baixamos á praia e collemos o paseo que nos levará ata Navia, dirixímonos ata o noso autobús e poñemos fin ao roteiro de hoxe.

Grazas a todos, e á organización.

Un saúdo.

Morís.